Хичээлийн тодорхойлолт

1.      ХӨТӨЛБӨРИЙН НЭР: МАТЕМАТИК-II

2.      ИНДЕКС:   ВЕ-102

3.      БОЛОВСРОЛЫН ТҮВШИН:  Бакалавр

4.      КРЕДИТ ЦАГ:         3кр

5.      СУДЛАХ ЦАГ:        2:2:0:3

6.      ХИЧЭЭЛИЙН ЗАЛГАМЖ  ХОЛБОО:

Босоо холбоо: BE-101 хичээл дээр суурилна.

Хэвтээ холбоо: Физик, Цахилгаан техник, Микро эдийн засгийн онол, Физик коллойд хими , Хэрэглээний механик  хичээлүүдтэй агуулга хэрэглээний хувьд холбогдоно.

7.      ХӨТӨЛБӨРИЙН ҮНДЭСЛЭЛ:  Мэдээллийн эрин зуунд аливаа асуудлыг математик загварт оруулан улмаар программчлалын хэл рүү хөрвүүлэн  ашиглаж сурах, судалгаа шинжилгээний ажлын тооцооллыг  мэдээллийн технологи ашиглан хийх чадвартай болох шаардлага гарч байна.

Хувь хүний хэрэгцээ: Математик аргыг ашиглан загварчлах, задлан шинжлэх арга барилд суралцан хялбар загваруудыг зохион бодох, математик програмчлалын элемэнтүүдийг судлах

Нийгмийн  хэрэгцээ: Аливаа асуудалд ул суурьтай шинжлэх ухаанчаар хандах, задлан шинжилж анализ хийх чадвартай болох

8.      ЗОРИЛГО

Аливаа юмс үзэгдлийн мөн чанар хоорондын хамаарлыг  математик аргыг ашиглан загварчлах, задлан шинжлэх арга барилд суралцах ба хялбар загваруудыг өөрсдөө зохиож бодох, дээд математикийн үндсэн арга аппаратыг эзэмшүүлэхэд хичээлийн зорилго оршино.

9.      ЗОРИЛТ

К1 – Интеграл эх функц, дифференциал тэгшитгэлийн тухай тогтолцоот мэдлэг бүтээлгэх   

К2 – Интеграл тоолол, олон хувьсагчийн функцийн талаарх мэдлэгээ ашиглан сурах

К3 – Дифференциал  тэгшитгэл ашиглан асуудлыг загварчлах ажиллагааг эзэмшүүлэх, өөртөө болон бусдад үйлчилж чаддаг байх

К4 – Аливаа асуудлыг задлан шинжилж анализ дүгнэлт хийн шинжлэх ухаанчаар хандах, асуудлыг шийдвэрлэх, бусдын өмнө хариуцлага хүлээх, хамтран ажиллаж амьдрахад суралцах

10.  Сургалтын цөм агуулга:

Энэ хичээлээр интеграл тоолол бүлэгт тодорхойгүй интеграл, интегралчлах үндсэн аргууд, рацианаль бутархайг интегралчлах, зарим иррациональ функцийг интегралчлах, тригнометрийн функцийг интегралчлах, тодорхой интегралын тодорхойлолт, тодорхой интегралын үндсэн чанарууд, Ньютон-Лейбницийн томъёо, тодорхой интегралыг бодох аргууд, тодорхой интегралыг геометр хэрэглээ, тодорхой интегралын эдийн засгийн хэрэглээ, өргөтгөсөн интегралууд гэсэн эдгээр ухагдахуунуудыг судална.

Олон хувьсагчийн функц бүлэгт тодорхойлогдох муж, геометр дүрслэл, олон хувьсагчийн функцийн хязгаар, тасралтгүй чанар, 1-р эрэмбийн тухайн уламжлалууд, функцийн бүтэн дифференциал, түүнийг ойролцоо тоололд хэрэглэх, тухайн уламжлалын эдийн засгийн хэрэглээ, дээд эрэмбийн уламжлал, дифференциалууд, олон хувьсагчийн функцийн Тейлорын томъёо, олон хувьсагчийн функцийн экстремум, экстремум байх зайлшгүй ба хүрэлцээтэй нөхцлүүд, хамгийн бага квадратын арга, нөхцөлт экстремумын бодлого, лагранжийн дүрэм, экстремум бодлогын эдийн засгийн хэрэглээ, цувааны онол бүлэгт тоон цуваа, цуваа нийлэх шинжүүд, зэрэгт цуваа зэргийг судална.

Ердийн дифференциал тэгшитгэл бүлэгт хувьсагч нь ялгагдах 1-р эрэмбийн тэгшитгэл, нэгэн төрлийн тэгшитгэл, шугаман тэгшитгэл, бүтэн дифференциалт тэгшитгэл, 1-р эрэмбийн тэгшитгэл, кошийн бодлого, дээд эрэмбийн дифференциал тэгшитгэл, тогтмол коэффициенттой дээд эрэмбийн нэгэн төрлийн шугаман дифференциал тэгшитгэлийг бодох, 2-р эрэмбийн шугаман тэгшитгэл, тогтмолыг хувиргах арга, дифференциал тэгшитгэлийн систем, дифференциал тэгшитгэлийн эдийн засгийн хэрэглээ зэргийг судална.

Бүлэг бүрийн хувьд эдийн засгийн агуулга бүхий жишээ бодлогуудтай танилцуулах ба практикийн хичээл дээр жишээ бодлогуудыг бодуулах болно.

11.  сургалтын арга зүй: 

Хичээл лекц, семинар гэсэн хоёр хэлбэртэй явагдах ба оюутныг хөгжүүлэх боловсруулах зорилгыг семинар, бие даалтын ажил пээр түлхүү анхаарна. Семинарын хичээлийг ярилцлагын арга ба асуудал дэвшүүлэн шийдвэрлэх арга дээр тулгуурлан зохион байгуулна.